Ambasadori i Kosovës në Mbretëri të Bashkuar Ilir Kapiti tha se marrëdhëniet bilaterale mes Kosovës dhe Mbretërisë së Bashkuar çdo ditë po forcohen.
“Dje takova, në ekspozitën e organizuar ‘Kfor dhe Kosova’ në Tower of London, personalitete të shquara të cilët ishin vendimmarrës në parandalimin e gjenocidit në Kosovë, siç është Lord Robertson, Lord Carington, Gjeneral Sir Michale Jackson, ushtarë dhe të tjerë që kanë shërbyer në Kosovë. Në fjalimin tim falënderova Mbretërine e Bashkuar për lidershipin që kishin në kuadër të NATO-s, dhe kontributin e tyre gjatë luftës në Kosovë. Po ashtu potencova marrëdhëniet bilaterale mes Kosovës dhe Mbretërisë së Bashkuar që çdo ditë po forcohen si dhe për mundësinë e investimeve në Kosovë”, ka shkruar Kapiti në ‘Facebook’. /Kosovatimes/
