Presidentja e Kosovës, Vjosa Osmani, është deklaruar të mërkurën për peticionin e qytetarëve serb në veriun e vendit për shkarkimin e kryetarëve nga komunat. Ajo ka thënë se peticioni është e drejtë që u takon të gjitha komunave dhe duhet respektuar.
Këto deklaratë presidentja Osmani e bëri gjatë homazhe para bustit të Kadri Zekës në Prishtinë.
“Sot ka nis peticioni për shkarkimin e kryetarit në komunat veriore dhe siç e dini ligjet e Republikës së Kosovës lejojnë një procedurë të tillë, që pastaj është specifikuar edhe me Udhëzim Administrativ të miratuar së fundi nga ministria përkatëse. Është e drejtë që u takon qytetarëve të të gjitha komunave. Rrjedhimisht në këtë rast, qytetarët e komunave në veri të vendit po e shfrytëzojnë këtë të drejtë. Është me rëndësi të respektohen procedurat, por si shtet demokratik që jemi e që i respektojmë të drejtat e gjithë qytetarëve tanë pa dallim etnie, natyrisht edhe kjo e drejtë duhet të respektohet”, ka thënë Osman.
Ajo foli edhe veturën e ish-presidentit Ibrahim Rugova, për të cilën tha se duhet të ruhet për shkak të rëndësisë që ka.
“Presidentja s’merret me tenderë, ajo çka kam kërkuar është vetura e presidentit historik të ruhet dhe për procedura të orientoheni në zyrat tona, nuk ka asnjë arsye që mos t’u dërgohen. Dua t’u sigurojë që s’duam që ajo veturë të prishet sepse ka rëndësi të veçantë për historinë e Kosovës”, u shpreh Osmani.
Kujtojmë, se sot ka nisur nënshkrimi i peticionit për shkarkimin e kryetarëve të komunave në veri të vendit. Iniciuesit e peticionit, kanë kohë deri më 22 janar të mbledhin nënshkrimet e nevojshme që më pastaj krijon bazën ligjore për zgjedhje të reja në katër komunat veriore. Sipas Udhëzimin administrativ, duhet 20 për qind e votuesve të regjistruar të nënshkruajnë peticionin. /Kosovatimes/
