Trajneri i Barcelonës, Xavi ka paralajmëruar se do të japë dorëheqje nëse sheh se skuadra ka humbur besimin tek ai.
Barça është turpëruar së fundmi nga Real Madrid, duke u mposhtur 4-1 në finale të Superkupës së Spanjës. Ndërsa në La Liga Barcelona gjendet në vendin e katërt, tetë pikë pas Real Madrid që kryeson. Kjo situatë ka bërë që Xavi të mendojë për të ardhmen.
“Para nënshkrimit me Barçën drejtuesit e klubit thanë se ishte një nga momentet më të këqija në historinë e klubit. Dhe ne jemi në procesin e ndryshimit të gjërave. Mendoj se jemi më afër suksesit se dështimit. Unë e dua këtë klub. Jam këtu për t’i sjellë diçka”, ka thënë Xavi. “Nëse nuk e bëj, do të shkoj në shtëpi. Kur dikush më thotë se ka një problem, unë do të largohem”.
