Fatjon Bunjaku është afrimi më i ri i Gjilanit. Për transferimin e tij skuadra nga qyteti me të njëjtin emër ka njoftuar të mërkurën.
“Sport Club Gjilani ka kënaqësinë të komunikojë angazhimin e një ndër lojtarëve më me perspektivë të vendit tonë, Fatjon Bunjaku. Me paraqitjet e tij së fundmi Bunjaku ka arritur të bindë drejtuesit e klubit për të nënshkruar kontratë për 2 vite e gjysmë me kuqebardhët. Bunjaku, 20 vjeçar luan në pozitën e sulmuesit të qendrës, mirëpo përshtatet mirë edhe në pozitat anësore të repartit ofansiv”, ka njoftuar skuadra gjilanase.
“Të gjithë në SC Gjilani i urojnë mirëseardhje Bunjakut dhe i dëshirojnë sukses në objektivat që klubi ka vënë para”.
Futbollisti së fundmi ishte pjesë e Lirisë së Prizrenit.
