Për t’i festuar festat e fundvitit, një qytetar nga rajoni i Prizrenit kishte gjuajtur me pushkë, duke shkaktuar kështu rrezik për komunitetin. E nga 1 janari, policia kishte gjurmuar rastin dhe vetëm me 17 janar e kishte identifikuar, duke ia konfiskuar karabinën me disa fishekë.
“Hetuesit e Stacionit Policor në Prizren me datë 17/01/2024, kanë pranuar një informate se me datë 01/01/2024, ka pas gjuajtur me armë zjarri, në festen e vitit te ri në fshatin Billush të Prizrenit. Sektori i hetimeve të Stacionit Policor në Prizren gjatë hetimit të rastit kanë arritur që të gjejnë dhe të sekuestrojnë në cilësinë e provave materiale një pushkë M48A e prodhimit jugosllave dhe 11 fishekë, të i dyshuari H.B. i vitit të lindjes 1974 i cili nuk posedon leje për armë”, njofton policia.
I dyshuari është shoqëruar ne stacionin policor ne Prizren, ndërsa gjatë intervistimit, sipas policisë, i njëjti ka pranuar veprën penale.
“Lidhur me rastin është njoftuar Prokurori i shtetit, i cili ka sugjeruar që rasti të procedohet në procedurë të rregullt. Hetimet janë duke vazhduar për verat penale “Shkaktimi i Rrezikut te Përgjithshëm,” dhe Mbajtje ne pronësi, posedim te paautorizuar te armeve”, thuhet në njoftimin e policisë. /Kosovatimes/
