Real Madrid ka shmangur humbjen nga Almeria në La Liga, duke bërë që nga disavantazhi 2-0 të fitojë në fund me rezultat 3-2.
Në ndeshjen e Javës së njëzet e një të luajtur në “Estadio Santiago Bernabeu” Almeria ka gjetur golin e epërsisë pas dyzet sekondash me Largie Ramazani.
Për 2-0 u përkujdes Edgar Gonzalez (43’), për ta mbyllur pjesën e parë me epërsi.
Pjesa e parë është mbyllur me këtë rezultat.
Pastaj ka qenë momenti i kthimit të madrilenëve.
Jude Bellingham (56′), Vinicius Junior (67′) dhe Dani Carvajal (90+9′) kanë realizuar për përmbysjen e madhe.
Pas kësaj ndeshje Real Madrid e kryeson tabelën, por sonte Girona ndeshet me Sevillan dhe kryesimi mund të jetë i përkohshëm.
