Trepça e nisur edicionin me fitore bindëse, duke mundur Ponte Prizrenin me rezultat 89:61 (29:17, 28:11, 18:22, 14:11), në xhiron e parë të Prince Caffe Superligës.
Vendasit e nisën për mrekulli ndeshjen me një seri prej 13:0 dhe gjatë çerekut të parë ishin në epërsi, duke e fituar këtë pjesë me rezultat 29:17, transmeton Klankosova.tv.
Mitrovicasit të përkrahur nga publiku vendas vazhduan me lojë të mirë, duke dominuar në parket dhe e ngritnin epërsinë minutë pas minute, për të shkuar në pushim me rezultat të thellë, 57:28.
Epërsia më e lartë u regjistrua pranë rezultatit 59:28, e më pas u zhvillua lojë më e barabartë, ndërsa shifrat në semafor pas 30 minutash ishin 75:50.
Në dhjetë minutat e fundit nuk kishte ndryshime dhe Trepça triumfoi me rezultat 89:61.
Te vendasit u dalluan Andreë Gordon me 17 pikë e shtatë kërcime, ndërsa Erjon Kastrati dhe Drilon Hajrizi shtuan nga 14 pikë, ndërsa te mysafirët u dalluan Meriton Ismaili me 15 pikë e pesë kërcime dhe Urim Zenelaj me 13 pikë e 13 kërcime.
