Shqipëria ka kampion bote në mundje.
Zelimkhan Abakarov ka fituar medaljen e artë në Botërorin e Mundjes të zhvilluar në Beograd të Serbisë.
Çeçeni i natyralizuar si shqiptar triumfoi në finalen deri në 57 kg ndaj rivalit amerikan, Thomas Gilman, me rezultatin 7-2.
Një arritje e shkëlqyer e Abakarov, që në fund festoi me flamurin shqiptar në mes të Beogradit. Ky është rezultati më i madh për sportin shqiptar dhe vjen vetëm pak javë pasi Luiza Gega u shpall kampione e Europës.
Abakarov kampion bote në mundje, Rama: Flamuri kuqezi u ngrit në Beograd
Çeçeni i natyralizuar si shqiptar, Zelimkhan Abakarov ka fituar medaljen e artë në Botërorin e Mundjes të zhvilluar në Beograd të Serbisë.
Pas kësaj fitore ka reaguar kryeministri i Shqipërisë, Edi Rama i cili tha se nën tingujt e himnit kombëtar, flamuri kuqezi u ngrit në Beograd, përcjell Klankosova.tv.
“Zelimkhan Abakarov, mundësi fantastik me nënshtetësi shqiptare, shpallet kampion bote dhe nën tingujt e himnit tonë kombëtar ngre flamurin kuqezi në Beograd”, ka shkruar Rama në Facebook.
