Gazetari Idro Seferi ka thënë se tetë aktivistë nga Shqipëria të komunitetit LGBT janë sulmuar fizikisht duke u kthyer nga marshimi EuroPride 2022 në Beograd të Serbisë.
Seferi shkroi në llogarinë e tij në Facebook se dy prej aktivistëve janë lënduar rëndë, derisa kanë marrë trajtim nga mjekët e urgjencës.
“Tetë aktivistë nga Shqipëria të komunitetit LGBT janë sulmuar fizikisht dhe rrahur duke u kthyer nga Euro Pride 2022 ne Beograd. Aktivistet nga Tirana ishin pa përcjellje të policisë drejt hotelit te tyre. Dy prej tyre janë lënduar me rënd dhe sapo u morën për një vizitë nga mjekët e emergjencës. Aktivistët tjerë nuk janë lënduar rënd, por kane dhimbje koke dhe kane kaluar momente shoku. Mjeket janë duke parë nivelin e lëndimeve te tyre. Policia ka arritur ne vendin e ngjarjes. Të gjithë aktivistet janë mirë”, ka shkruar ai.
Tutje, gazetari potencoi se aktivistët u sulmuan nga një grup prej 10 personash.
Ndryshe, policia u përplas me protestuesit e krahut të djathtë të shtunën, derisa mijëra njerëz iu bashkuan një marshimi të LGBTQ në Serbi për të shënuar fundin e javës EuroPride, një ngjarje e organizuar në një qytet të ndryshëm evropian çdo vit.
Siç raportohet, policia u përplas me dy grupe të krahut të djathtë që përpiqeshin të pengonin marshimin, tha kryeministrja serbe Ana Brnabiç, duke shtuar se 10 policë u lënduan lehtë, pesë makina policie u dëmtuan dhe 64 protestues u arrestuan.
