Shkruan: Agim BAJRAMI
‘Liberalizimi i vizave’ në përgjithësi, është mundësi e mirë e përfitimeve nga njerëzit nga niveli i vetëdijes së lartë të tyre, siç është mundësia e ‘qasjes në internet’ për të pasur mundësin e marrjes dhe shkëmbimit të informatave, njohurive profesionale, arsimore, kulturore e edukative, të kontakteve virtuale ndërmjet njerëzve, e njohjen me të arritura më të reja shkencore , kulturore e të tjera.
Bashkimi Evropian, lëvizjen e lirë e ka bërë të mundur, krahas progresit të gjithmbarshëm të zhvillimit të mirëqenies shoqërore edhe të bashkimit dhe lëvizjes së njerëzve brenda BE-së duke i ngritur tri kategorive e lirive të lëvizjes së lirë si; – Lëvizja e lirë e mallrave, shërbimeve, dhe të njerëzve.BE-ja ka mundësuar për qytetarët evropian, avancimin e ngritjes së mirëqenies ekonomike, e të drejtës në barazi ligjore para organeve kompetente të cilat i përkasin të drejtave dhe lirive civile qytetare…BE-ja ,të drejtën e lëvizjes së lirë e mundësoj për të gjithë popujt e vendeve evropiane , që sa vite më herët, përveç kosovarëve, nga arsyetimet e tyre banale dhe pa kurrfarë logjike…Por, nuk është shumë edhe ndonjë logjikë e arsyeshme gëzimi tek kosovarët arritja e ‘lëvizjes së lirë evropiane’, përveç perceptimit të barazisë më të tjerët, kur ‘lëvizja e lirë’ ekskluzivisht varet , nga mundësitë ekonomike të atyre qytetarëve…Dhe cilat janë ‘mundësitë ekonomike’ të qytetarëve kosovarë në lëvizjen e lirë evropiane, me pension prej ;100€ ,me pagën minimale sipas vendimit të fundit qeveritar , diku rreth;267€… Është e vetëkuptueshme, se kosovarët , mundësin e lëvizjes së lirë evropiane, e shohin ,shkuarjen tek familjarët e tyre nëpër vendet evropiane, apo edhe mundësinë e gjetjen e ndonjë pune në të zezën ,dhe a është kjo zgjidhje e dobishme dhe reale për të ardhmen e tyre.
Më shumë i përngjan, ,”lëvizjes së lirë koti”, siç përdoret edhe telefoni, dhe interneti, për ‘thashetheme’ për shikimin në fb ,se ku shkoj ajo apo ai, çka veshi ajo apo ai, dhe sa foto e mirë, me shënimin, “po shkëlqen”, dhe kaq është hapësira e përdorimit të internetit, apo edhe për ‘takime seksi mësheft’, dhe pastaj për të shpallur denoncimin e dashnorit, si dhunues, kur e dashura , nuk e arrin përmbushjen e fantazisë së imagjinuar, apo për t’u arsyetuar, tek mendësia patriarkale familjare dhe e rrethit” të viktimës”… Dhe si do të përdorin kosovarët ,lëvizjen e lirë evropiane, njësoj siç e përdorin internetin ,shkuarje- ardhje koti, fotografime në ndonjë rrugë të ndonjë qyteti evropian për t’i bërë ,”like” me komentin “oh sa bukur po dukesh”…Dhe natyrisht se do të ketë edhe të tillë, që do të mundohen të punojnë në të zezën tek ndonjë familjar i tyre, derisa autoritetet vendore t’i zënë e t’i dënojnë dhe ti kthejnë mbrapa…
Kosovarët, duhet të tregohen të përgjegjshëm, dhe vendin e vetë të bëjnë atraktive për vetën dhe të tjerët, e jo ,lëvizjen e lirë me pa mundësi ekonomike, të shikojnë si shpëtim dhe e arritur e madhe….
Lëvizja e lirë, ndërlidhet edhe me mundësitë e arritjes së mirëqenies së përgjithshme ekonomike.
