Anatoly Gerashchenko, ish-kreu i Institutit të Aviacionit të kontrolluar nga shteti në Moskë, vdiq të mërkurën, njoftuan mediat ruse, shkruan Kosovatimes.
Agjencia ruse Izvestia raportoi se Anatoly Gerashchenko ra nga shkallët nga një lartësi e madhe në selinë e Institutit të Aviacionit në Moskë.
Shërbimi i shtypit shkroi se ishte një “aksident”.
Gerashchenko drejtoi Institutin nga viti 2007 deri në vitin 2015 dhe në kohën e vdekjes së tij ishte këshilltar i rektorit të Institutit, i cili është nën kontrollin e shtetit.
Ai është fitues i shumë çmimeve dhe mirënjohjeve, përfshirë medaljen për shërbime ndaj atdheut, shkruan Huff Post.
Ky institut kryen kërkime të shumta në fusha që mund të aplikohen edhe në ushtri, duke përfshirë aviacionin, dronët dhe inteligjencën artificiale.
Drejtuesit e Institutit e cilësuan vdekjen e tij si tragjike dhe më pas deklaruan se do të kryenin një hetim të pavarur për rastin.
Gerashchenko është i fundit në serinë e rusëve të rangut të lartë që kanë vdekur në rrethana të çuditshme që nga fillimi i vitit. /Kosovatimes/
