Trajneri i Kombëtares Shqiptare, Edoardo Reja, ka komentuar ndeshjen me Izraelin duke vënë theksin te gabimet, që sipas tij vazhdojnë ta penalizojnë skuadrën.
Tekniku italian e pranoi se një barazim mund të ishte rezultati i duhur në fund të këtij 90 minutëshi.
“Nëse do të barazonim do të ishte një rezultat i mirë për mënyrën se si shkoi ndeshja. Për fat të keq nuk kemi qartësinë dhe qetësinë për të lexuar momentet e rëndësishme të ndeshjes. Duhet të ndryshojmë përfundimisht dhe kjo po vazhdon prej kohësh”, ka thënë Reja.
“Bëjmë gabime të tilla si gjithmonë edhe pse lojtarët dhanë gjithçka në fushë. Rrimë këtu dhe flasim për të njëjtat gabime. Izraeli është një skuadër shumë e fortë dhe na vuri shumë në vështirësi. Mu desh të ndryshoja sepse nuk po funksiononte. Në pjesën e dytë tentuam të reagonim por e përsëris, duhet të diskutojmë për gabimet individuale që na ndodhin gjithmonë”.
