Disa shtetas malazezë janë arrestuar mëngjesin e sotëm në Podgoricë nën dyshimin se punonin për shërbimin inteligjent rus.
Siç mëson “Vijesti” nga disa burime, aksioni është udhëhequr nga Agjencia e Sigurisë Kombëtare (ANB), nën juridiksionin e së cilës është kjo vepër penale, dhe është kryer me urdhër të Prokurorisë Speciale të Shtetit (SDT).
Sipas një burimi, një nga personat e arrestuar, sipas të dhënave të ANB, ka punuar për shërbimin rus për më shumë se një dekadë dhe është pjesë e një grupi më të gjerë, anëtarët e të cilit njihen nga ANB.
Dyshohet se bëhet fjalë për një punonjës të administratës shtetërore.
Të njëjtat burime thonë se aksioni i sotëm është vetëm fillimi i aktiviteteve për zbulimin e bashkëpunëtorëve të shërbimeve të huaja inteligjente.
ANB nuk u përgjigj nëse është e vërtetë se janë arrestuar më shumë persona të dyshuar për spiunazh.
Në kuadër të aksionit të ANB-së, SDT-së dhe Departamentit të Posaçëm të Policisë (SPO), janë kryer kontrolle në disa lokacione në Podgoricë dhe rrethinë, gjatë të cilave, sipas burimit, janë gjetur sende “me interes për hetimin”.
Një tjetër bashkëbisedues i “Vijesti” tha se ky aksion ishte në kuadër të një aksioni ndërkombëtar dhe se në mesin e të arrestuarve ka edhe disa shtetas rusë. /Kosovatimes/
