Këshilltari i kreut të presidentit ukrainas Alexey Arestovich njoftoi se deri në 5500 ushtarë rusë u kapën në Liman në Donetsk. Sipas autoriteteve lokale ukrainase, trupat e tyre “prenë” të gjitha rrugët që të çojnë jashtë qytetit dhe të gjitha përpjekjet e ushtrisë ruse për të liruar shokët ishin të pasuksesshme.
Edhe pse ende nuk dihet nëse Rusia ka aneksuar të gjithë rajonet Kherson dhe Zaporozhye në Ukrainë, është e qartë se i gjithë Donbasi, pra Republikat e vetëshpallura Popullore të Donetskut dhe Luganskut (DNR dhe LNR), është aneksuar. Në fillim të fjalës së tij, Putin vuri në dukje se banorët e Donetskut, Luganskut, Khersonit dhe Zaporozhyes e kanë shprehur qartë vullnetin e tyre dhe është se ata duan të jenë pjesë e Rusisë.
Ndoshta, në fillim të pushtimit të Ukrainës, presidenti rus Putin ishte i sigurt për një fitore të shpejtë. Por lufta vazhdon ende dhe tani ka filluar mobilizimi. Sa e fortë është vërtet ushtria ruse? Pas rënies së Bashkimit Sovjetik, Moska bëri gjithçka për të ruajtur statusin e saj si një superfuqi dhe për të mbetur një anëtare e përhershme e Këshillit të Sigurimit të OKB-së. Meqenëse nuk mund ta justifikonte këtë status me fuqinë e saj ekonomike, Moska e justifikoi ushtarakisht: Rusia ka armë atomike dhe për dekada po ashtu pretendohej se ka një nga ushtritë më të mëdha dhe më të mira në botë. Për të ruajtur këtë besim, Presidenti Putin i dërgonte rregullisht botës fotografi të paradave ushtarake të koreografisë së përsosur në Moskë ose nga stërvitjet ushtarake.
Ushtria e Vladimir Putin tani po kthehet drejt objektivave të reja në Ukrainë, dhe një prej tyre mund të jetë porti kyç i Odesës.
Duke marrë Odesën, Rusia me një goditje do t’i shkaktonte Ukrainës dëme të mëdha ekonomike. Ukraina është shporta e bukës së Evropës dhe eksportuesi i katërt më i madh i grurit në botë me 44.7 milionë tonë të shitura jashtë vendit vitin e kaluar. Pjesa më e madhe e eksportit të grurit dhe misrit ukrainas kryhet përmes Odesës. Për shkak të bllokadës së këtij dhe dy porteve më të vogla aty pranë, eksportet e grurit ukrainas ranë nga 2.8 milionë tonë në prill të vitit të kaluar në vetëm 923,000 tonë në prill të këtij viti. Aktualisht, rreth 4.5 milionë drithëra janë të bllokuara në Ukrainë dhe nuk ka asnjë mënyrë për t’i nxjerrë jashtë vendit, pasi Rusia ka marrë pothuajse plotësisht kontrollin e Detit të Zi.
Rusia dhe Ukraina së bashku përbëjnë 25 për qind të eksporteve botërore të grurit, por Rusia nuk është në gjendje të eksportojë grurin e saj për shkak të sanksioneve të vendosura ndaj saj nga Perëndimi. Duke bllokuar eksportet e Odesës dhe Ukrainës, Rusia tenton të ushtroje presion mbi Perëndimin, i cili gjithashtu do të përballej me mungesa ose rritje të çmimeve. /Kosovatimes/
