Arbër Vokrri është emëruar zëvendësministër në ministrinë e Administrimit të Pushtetit Lokal.
Lajmi është bërë i ditur nga Zyra e Kryeministrit, ku thuhet se Kurti i uroi Vokrrit suksese në plotësimin e detyrave dhe përgjegjësive.
E pas emërimit, Vokrri është shprehur se është nder për të që t’i shërbejë vendit.
Ai gjithashtu tha se ndihet i privilegjuar që të jetë pjesë e një kabineti qeveritar siç u shpreh ai me mbështetje kaq të gjerë popullor,
http://199.192.21.43/2022/10/01/arber-vokrri-emerohet-zevendesminister-i-administrimit-te-pushtetit-lokal/
“Do të jetë nder për mua që t’i shërbej vendit tonë edhe më sistematikisht në këtë sferë të rëndësishme të organizimit shtetnor e me të cilën jam i familjarizuar përmes mandateve të fituara dhe ushtruara pas dy palë zgjedhjeve të fundit lokale”, tha ai.
Tutje, Vokrri u shpreh se do të jetë i hapur për sugjerime, këshilla dhe kritika.
“Kjo datë koincidon me 25 vjetorin e bashkëpunimit të parë politik me Kryeministrin e tashëm – liderin studentor të atëhershëm. Ndihem i privilegjuar që të jem pjesë e një kabineti qeveritar me mbështetje kaq të gjerë popullore dhe njëkohësisht jam i vetëdijshëm për pritshmërinë poashtu të lartë të qytetarëve për një qeverisje efikase. Andaj ju siguroj që sikur deri më tani, edhe tash e tutje do të jem i hapur për sygjerimet, këshillat dhe kritikat tuaja”, ka shkruar ai në Facebook. /Kosovatimes/
