Pas shumë shqyrtimeve dhe hulumtimeve të ngritura nga një komision hetimor i kuvendit lidhur me menaxhimin e krizës energjetike nga ekzekutivi i vendit, më në fund janë zbardhur kompanitë që janë përfshirë në tregtimin e energjisë elektrike. Megjithatë jo në tërësi është zbardhur skema e tregtisë me energji.
Gjatë një interevistimi të Jeton Mehmetin, kryesues i Bordit të Drejtorëve në ndërmarrjen KOSTT janë shpërfaqur emrat e disa kompanive nga të cilat është importuar energjia elektrike pas specifikuar vendet.
Një nga ato kompania që u përmendën është kompania GEN. Kjo kompania ka shtrirje edhe në vendet e rajonit.
Mehmeti ka përmendur r GEN Tirana SHPK, GEN-i në Shkup, KESH SH.A. Shqipëri, GEN për të cilin tha se nuk e di vendin prej nga është, etj.
Mehmeti gjatë intervistimit ka folur edhe për devijimet dhe humbjet në sistemin energjetik.
Deputeti Abelard Tahiri ka kërkuar të dijë se a i kanë kryer obligimet për devijime në rrjetin energjetik kompanitë KESCO dhe KEK. Për humbjet në veri, nga janari deri në prill ka qenë mbi 7 milionë euro.
Mehmeti ka bërë të ditur se është marrë edhe kredi për t`i përmbyll detyrimet e KOSTT. Në shumën prej 26 milion euro me një afat kthimi prej një viti.
Më herët në prill të këtij viti televizioni slloven “Planet TV” raportoi për aferën financiare të kryetarit të partisë Lëvizja për Liri, Robert Golob, e të cilën e ka titulluar si skandal të madh financiar.
Sipas këtij mediumi, ai është nën hetim financiar ndërkombëtar për shkak të dërgesave nga dega serbe e GEN-i (furnizuesi energjetik slloven), të cilat i kanë shkuar kompanisë private “MB Consulting” në Mal të Zi.
Kompania “MB Consulting” e ambasadorit Martin Berishajt supozohet se ka marrë 600 mijë euro, të cilat janë tërhequr vazhdimisht në para të gatshme.
Pasuria e ambasadorit Martin Berishaj, nuk figurojnë 600 mijë eurot që pretendohet t`i ketë marrë nga GEN-i Ambasadori i Kosovës në Kroaci, Martin Berishaj, kishte mohuar akuzat për përfshirje në skandalin financiar që u zbulua në Slloveni, ku mediat sllovene raportuan se ai i ka bartur para ‘cash” rreth 600 mijë euro nga kompania e tij në Mal të Zi tek politikani slloven.
Ndërkaq, Driton Selmanaj kryetar i komisionit e ka përmendur edhe ftesën që do t’ia bëjnë ambasadorit Martin Berishaj.
“A mund ta përcaktojmë datën për ta parë agjendën e tij se kur mund të vij ai në Kosovë”, tha Selmanaj.
Komisioni Hetimor në lidhje me menaxhimin e krizës energjetike kanë diskutuar që ta ftojnë në intervistim ambasadorin Martin Berishaj. /Kosovatimes/
