Prokuroria Themelore në Prizren ka dhënë detaje rreth aksionit “TOTO” ku janë arrestuar 13 persona, në mesin e të cilëve është edhe një zyrtar policor.
Përmes komunikatës, Prokuroria njoftoi se janë sekuestruar 55 mijë e 388 euro, dy armë zjarri, 39 copë municion dhe 29 telefona mobil.
http://199.192.21.43/2022/10/05/operacioni-toto-ve-ne-pranga-disa-te-dyshuar/
“Lidhur me këtë rast janë bastisur- kontrolluar 19 lokacione (vendbanime dhe lokale), dhe në cilësi të provave janë sekuestruar: Para te gatshme – 55,388.00 euro (44,861.00 bankënota dhe 10.527.00 monedha të metalta); Para të gatshme – 1,700.00 franga zvicerane; Para të gatshme – 50,000.00 lek; Para të gatshme – 100.00 dollar; Para të gatshme – 1,320.00 dinar serb; Dy (2) armë (një e shkurtë dhe një gjysmë- automatike); Tridhjetë e nëntë (39) copë municion; Njëzet e nëntë (29) telefona mobil; Një (1) Kompjuter llaptop; Dy (2) USB; Treqind e pesëdhjetë (350) pako cigare pa banderola; Gjashtë (6) vetura”, thuhet në njoftim.
Tutje, është bërë e ditur se të arrestuarit gjenden në masën e ndalimit prej 48-orësh dhe se pritet që të kërkohet caktimi i masës së paraburgimit. /Kosovatimes/
