Deputeti demokrat Armend Zemaj ka kritikuar qeverinë për siç theksoi paaftësinë e saj udhëheqëse me theks sektorin shëndetësor.
“Kanë kaluar 18 muaj nga puna e kësaj Qeverie, ku tre ministra, përfshirë edhe Kurtin, e kanë udhëhequr ministrinë e Shëndetësisë; i pari ka qenë më i dobët se i dyti, ndërsa i treti, pra Kurti, është më i dobët se i dyti dhe i pari”, tha ai ne një konference shtypi.
Sipas tij dorëheqja e Latifit vjen edhe si pasojë e dy faktorëve shtesë: dështimin e Kurtit si kryeministër dhe dështimin e Kurtit si ministër i Shëndetësisë.
“Ai ne vijim rikujtoi se për këta 18 muaj kanë ndodhur një sërë dështimesh dhe padrejtësish ndaj qytetarëve, pacientëve dhe profesionistëve shëndetësor: Është e padrejtë kur kryesuesja e Bordit është edhe kryesuese e Komisionit për përzgjedhjen e drejtorëve të klinikave. Është e padrejtë mijëra operacione bëhen më pak në kuadër të ShSKUK-së, e shumë më shumë në sektorin privat. Është e padrejtë kur qindra qytetarë kërkojnë shërim jashtë vendit, ndërsa pushteti qëndron si spektator. Është e padrejtë kur lista e pritjes për të marrë shërbime shëndetësore, në disa raste arrin deri në fundin e vitit 2024, tha ai duke renditur një nga një gabimet e ministrit në dorëheqje”, tha ai.
Me tej Zemaj e quajti të padrejtë mungesën e barnave esenciale, dhe më i padrejtë është fakti se aty është një hije e zezë keqpërdoruese e cila shumë shpejt do të mund të marr formën e një hije të keqe korruptuese.
“Padrejtësitë e mëdha të këtij pushteti janë të prezantuara edhe në raportin e aludimit, ku është një mal me shkelje e keqpërdorime. Është e dhimbshme për vendin kur vetëm sivjet mbi 170 mjek të rinj dhe mbi 60 mjek me përvojë 20 vjeçare janë larguar nga institucionet publike shëndetësore. Edhe më i dhimbshëm bëhet fakti kur në Kosovë janë edhe më shumë se 650 mjek të papunë. Paradoksale; po rriten ikjet e mjekëve, ndërkohë që rritet edhe numri i mjekëve të papunë” tha ai duke parashtruar pyetjen nëse pas dorëheqjes së doktor Latifit, është Kurti ministër i ri i vetëm i Shëndetësisë, apo do të ketë edhe një person tjetër të radhës për të mbuluar dështimet e tij? Do të ishte e drejtë që ai të dilte dhe të thoshte se do të merret personalisht me këtë çështje. /Kosovatimes/
