Another video of the explosion on the Crimean Bridge. https://t.co/k9queHw3Lm pic.twitter.com/WMe1B6Av9H
— Rob Lee (@RALee85) October 8, 2022
Një zjarr i madh ka shpërthyer në urën e vetme hekurudhore që lidh Gadishullin e Krimesë dhe Rusisë, në orët e para të së shtunës.
Media shtetërore ruse ka thënë se është ndezur një rezervuar karburanti, mirëpo nuk ka dhënë më shumë hollësi.
Në pamje shihet se, në Ngushticën e Kërçit një tren është në flakë dhe se përveç urës, edhe rruga tokësore ka pësuar dëme të konsiderueshme.
Gadishulli i Krimesë është aneksuar nga Moska më 2014.
Forcat ushtarake ruse tani e përdorin këtë urë për të dërguar pajisje ushtarake në Ukrainë, pas nisjes së luftës në këtë shtet, në fund të muaji shkurt.
Një këshilltar i udhëheqësit të Krimesë është cituar të ketë thënë, sipas agjencisë shtetërore, Ria Novosti, se është duke u punuar për të shuar zjarrin.
Media shtetërore ruse ka thënë se ndërkohë është pezulluar trafiku në urë.
Ura e Krimesë konsiderohet target kyç për forcat ushtarake ukrainase, të cilat janë duke sulmuar logjistikën ruse.
Kjo urë në Ngushticën e Kërçit është hapur nga presidenti rus, Vladimir Putin më 2018, katër vjet pasi Moska ka aneksuar Krimenë.
Vendkalimi është më shumë se 160 kilometra larg territorit të kontrolluar nga ukrainasit.
Një ekspert për shpërthime i ka thënë transmetuesit britanik BBC, se zjarri nuk është shkaktuar nga ndonjë raketë.
“Mungesa e dëmit konkret në sipërfaqen rrugore sugjeron se nuk është përdorur armë ajrore”, ka thënë ai.
Sipas tij, “një plan i mirëmenduar mund të ketë jetë arsyeja e zjarrit”.
Lufta në Ukrainë ka nisur më 24 shkurt.
Vetë Putin e quan luftën si “operacion special ushtarak” për të çmilitarizuar Ukrainën.
Perëndimi është përgjigjur ndaj Rusisë, duke goditur ekonominë e këtij shteti me sanksione të ashpra.
Si pasojë e luftës kanë vdekur mijëra persona dhe miliona të tjerë janë zhvendosur nga shtëpitë e tyre.
Russian Telegram channels are sharing this video which is allegedly CCTV footage of the explosion. https://t.co/3ooL473SJA pic.twitter.com/zMFK6ADkoR
— Rob Lee (@RALee85) October 8, 2022
