Sulmues të paidentifikuar hodhën një raketë në një kompleks ushtarak në Siri, ku janë vendosur trupat amerikane dhe forcat lokale partnere. Kjo është bërë e ditur nga zyrtarë të ushtrisë amerikane, shkruan Kosovatimes.
Ata shtojnë se nuk janë shkaktuar dëme nga sulmi, i cili ndodhi mbrëmë vonë me orën lokale, raportoi Reuters.
Sipas tyre, raketa e kalibrit 107 mm nuk ka goditur asnjë objekt në kompleksin amerikan Rumalin, i cili ndodhet në verilindje të Sirisë.
Sulmi erdhi dy ditë pasi një përfaqësues i Shtetit Islamik u vra në një bastisje të SHBA-së në një fshat të kontrolluar nga qeveria siriane.
Forcat amerikane u vendosën në Siri gjatë administratës së presidentit amerikan Barack Obama.
Shumica e rreth 900 ushtarëve janë të stacionuar në lindje të vendit. /Kosovatimes/
