Presidenti ukrainas Volodymyr Zelensky u bëri thirrje vendeve të BE-së dhe veçanërisht Ballkanit që të fillojnë një “kurs pavarësie nga Rusia” në politikë, ekonomi dhe energji.
Në një fjalim në forumin 2BS, i cili organizohet nga Aleanca Atlantike e Malit të Zi, ai vlerësoi se “të gjitha vendet evropiane duhet të shkatërrojnë të gjitha rrjetet ruse të ndikimit” për të parandaluar “përhapjen e dezinformatave, korrupsionit dhe politikës kriminale”.”
Nuk është më pak e rëndësishme për Ballkanin sesa për pjesën tonë të Evropës”, tha Zelenski, transmeton RIA Novosti.
Ai gjithashtu në një video-mesazh në kanalin Telegram përcolli se gjatë fjalimit theksoi se vendet e rajonit evropian duhet të forcojnë aleancat dhe bashkëpunimin në mënyrë që të çlirohen nga të gjitha format e varësisë nga Rusia. /Kosovatimes/
