Këshilli Kombëtar i Shqiptarëve ka kërkuar monitorim ndërkombëtar dhe të pavarur të procesit në komunën e Medvegjës, për shkak të mangësive dhe mospërmbushjes së standardeve të regjistrimit të popullsisë në tërësi, njoftoi sot kryetari i atij Këshilli, Ragmi Mustafa.
Për të njëjtën temë më herët gjatë ditës së sotme ka folur edhe zëvendëskryeministri i Kosovës, Besnik Bisljimi, njoftoi portali JUGpress.
“Pas refuzimit të kryetarit të komunës së Medvegjës për të dhënë zgjidhje për kërkesat tona dhe përkushtimin e Misionit të OSBS-së, BE-së dhe Trupit Koordinues për Preshevë, Bujanoc dhe Medvegjë”, ka thënë Mustafa.
Komuna e Medvegjës nga 21 regjistrues ka punësuar vetëm tre shqiptarë, ndërsa dy regjistruesit që dinë shqip nuk janë të vendosur në vendbanimet ku është e përqendruar popullsia shqiptare”, thuhet në njoftim.
Theksohet se komuna e Medvegjës nuk ka ofruar asistent gjuhësor për vendbanimet shqiptare.
“Sipas informacioneve tona, të regjistruarit nuk aplikojnë sipas rregullave dhe të dhënave të ofruara nga të anketuarit. Komisioni vendor i regjistrimit nuk zbaton udhëzimet e Institutit Republikan të Statistikave dhe kërkesa e një anëtari të komisionit vendor për regjistrim nga Këshilli Kombëtar Shqiptar nuk merret parasysh”, thuhet në njoftim.
Gjithashtu theksohet se nuk janë marrë parasysh “kërkesat e regjistruesve që njohin gjuhën shqipe, që të drejtohen në vendbanimet ku janë të përqendruar shqiptarët”.
Një qasje e tillë e komisionit lokal të regjistrimit, siç vlerësohet, “rrezikon procesin e regjistrimit të popullsisë nga komuniteti shqiptar në komunën e Medvegjes.
Këshilli Kombëtar Shqiptar dërgoi një kërkesë për monitorim të pavarur dhe ndërkombëtar, për regjistrimin e të gjithë shqiptarëve dhe moslejimin e manipulimeve në Medvegjë, misioneve diplomatike të OSBE-së, BE-së, OKB-së dhe ShBA-së.
“Ne mbetemi të përkushtuar ndaj këtij procesi dhe paraqesim numrin e saktë dhe të vërtetë të pjesëtarëve të komunitetit shqiptar në Preshevë, Bujanoc dhe Medvegjë”, kanë thënë Këshilli Kombëtar i Shqiptarëve.
