Ministrat e Punëve të Jashtme të Ballkanit Perëndimor në takimin ministror të Ballkanit Perëndimor dhe Bashkimit Evropian, i cili është sot në kuadër të Procesit të Berlinit u organizua nga Qeveria e Gjermanisë në Berlin, miratuan sot tre marrëveshje rajonale, përkatësisht për lirinë e lëvizjes me letërnjoftim, për njohjen e kualifikimeve të arsimit të lartë dhe për njohjen e kualifikimeve profesionale për doktorët e mjekësisë, doktorët e mjekësisë stomatologjike dhe arkitektët.
Lajmi u bë i ditur nga sekretarja e përgjithshme e Këshillit të Bashkëpunimit Rajonal (RCC), Majlinda Bregu.
“Sot jemi krenarë të tregojmë se bashkëpunimi gjithëpërfshirës rajonal dhe një treg i përbashkët rajonal sjellin rezultate. Rajoni ra dakord për tre marrëveshje kryesore të lëvizshmërisë të koordinuara nga Këshilli për Bashkëpunim Rajonal, ndikimi i të cilave do të shihet shumë shpejt në terren përmes zbatimit të tyre, ashtu siç ishte rasti me korridoret e gjelbra dhe marrëveshjen rajonale për uljen e çmimeve të roaming-ut, tha Bregu. Sipas saj studentët tani duhet të paguajnë 300 deri në 500 euro vetëm për të njohur diplomat. Ajo theksoi se Këshilli për Bashkëpunim Rajonal është partneri kryesor i negociatave rajonale dhe forca kryesore e Procesit të BerlinitMe këtë marrëveshje, kjo kosto do të jetë zero.
Kryediplomatja gjermane , Annalena Baerbock , përshëndeti përpjekjet e KBR-së të drejtuar nga Bregu. Kjo e fundit tha se lëvizja me letërnjoftim në Ballkanin Perëndimor është kryesorja nga tre marrëveshjet sot.
“Na u deshën gati dy vjet negociata intensive për të arritur këtu sot në versionin e dakorduar të dokumentit. Por, kur të duash, gjithçka është e mundur. Kjo marrëveshje shkatërron ‘murin e fundit të vizave’ në rajon. E di që regjimi pa viza në rajon nuk është i njëjtë me regjimin pa viza me Bashkimin Evropian. Megjithatë, në kuadrin aktual të gjërave, ajo përfaqëson flamurin e rajonit tonë si një treg i vetëm. Politikat kombëtare mbeten vendimtare për të gjithë, por ato mund të luajnë gjithashtu një rol të rëndësishëm në zbatimin më efektiv të nismave rajonale. Qëllimi i gjithë kësaj është lidhja dhe bashkimi rajonal.
“Kjo do të thotë se muri i fundit i regjimit të vizave në Ballkanin Perëndimor, mes Kosovës dhe Bosnjë-Hercegovinës, do të zhduket”, tha Bregu, e cila drejton prej vitit 2019, Këshillin e Bashkëpunimit Rajonal, që promovon integrimin evropian të rajonit.
Të tri marrëveshjet pritet të nënshkruhen në samitin e krerëve të shteteve dhe qeverive në kuadër të procesit të Berlinit, i cili do të mbahet më 3 nëntor në kryeqytetin gjerman./Kosovatimes/
