Partia e Progresit serb e cila doli fituese në zgjedhjet e fundit ka hartuar listën e ministrave që do të udhëheqin qeverinë nën mandatin e tyre, dhe përveç disa rokadave nga përbërja e qeveris së kaluar ka edhe largime të disa figurave qendrore që në opinionin e brendshëm janë konsideruar si properëndimore dhe që realisht edhe janë sprovuar.
Kështu në këtë listë nuk janë zëvendëskryeministrja në largim dhe ministrja e energjisë Zorana Mihajloviq, ajo për integrime evropiane Jadranka Joksimoviq dhe ministri Nebojsha Stefanoviq. Vetë presidenti i Serbisë Aleksandër Vucic i cili ka vendosur për këtë listë nuk ka pranuar të diskutojë për të ardhmen e saj me Mihajloviq, ndonëse kjo e fundit ka thënë se kanë biseduar në katër sy dhe por pa dhënë detaje rreth përmbajtjes së bisedës. Megjithatë kjo nuk ishte një surprizë e madhe për Mihajloviçin, pasi lideri i progresistëve e shtyu disa herë bisedën me të. Brnabiq kishte kërkuar të takohej me të, në mëngjes, ku iu tha se pikëpamjet e saj ndryshojnë nga ato të SNS-së, se ajo ka qenë në qeveri për një kohë të gjatë dhe se një bisedë e re do të pasojë pas një jave. Asaj iu kërkua gjithashtu që të mos largohej nga SNS.
Gojartë një konference të veçante për shtyp, Mihajloviq së bashku me bashkëpunëtorët e saj të ngushtë më dikasterin energjetik që udhëhoqi, prezantoi të gjitha të arriturat përgjatë mandatit të saj. Ajo përjashtoi çdo mundësi të jetë në krye të ndonjë ndërmarrje publike. “Kjo nuk është diçka me të cilën dëshirojë të merrem. Ajo për të cilën dëshiroj të merrem është energjetika, integrimet evropiane dhe parasë gjithash politika. Do të qëndrojë në jetën politike të Serbisë dhe ky është plani im”, tha ajo. “Nuk kam dashur të jem piun, Vucic do të ketë më pak kokë dhembje pa mua”, tha ajo.
Mihajloviq kishte kërkusar më herët nga qeveria të përkufizojë drejtimin në politikën e jashtme, duke shfaqur haptazi orientimin perëndimor. Mihajllovic deklaroi se në luftën në Ukrainë po ndodhin “gjëra serioze dhe mizori” dhe se Beogradi duhet të thotë nëse e përkrah apo jo.
“Serbia ka reaguar në OKB dhe ka mbështetur rezolutat që dënojnë sulmin e Rusisë ndaj Ukrainës. Fakti është se Rusia po bën një luftë pushtuese në Ukrainë dhe atje po ndodhin gjëra të rënda dhe mizori dhe ne duhet të themi nëse e mbështesim apo jo. Nëse politika jonë është; nëse duam anëtarësimin në BE, atëherë duhet të mendojmë se cili është hapi tjetër”, kishte thënë ajo.
Vuçiqit më pas iu dukë e çuditshme që dikush të thoshte një gjë të tillë.
“Nuk e pashë atë deklaratë, do të më duhej ta lexoja”. Më duket e çuditshme që dikush të thotë diçka të tillë, pasi Serbia dënon krimet e bëra nga populli ynë, pa folur për të tjerët. Nuk e kuptova plotësisht se çfarë do të thoshte, dhe ndoshta është diçka që nuk mund ta kuptoj. Kjo është pyetje për Qeverinë e Serbisë dhe për organet tona të brendshme partiake”, tha Vuçiq.
Jo shumë kohë më parë ajo u qortua për një intervistë të shkurtër për gazetën Nova dhe kryeministri u distancua menjëherë prej saj, si dhe disa anëtarë të SNS-së, veçanërisht Vladimir Gjukanoviq, të cilët kërkuan që ajo të mos ishte në qeverinë e re, sepse në të kundërtën ajo nuk do ta votojë një qeveri të tillë.
Në konferencën për shtyp Mihajloviq tha se “po sigurisht që kam qenë në pakice në kuptimin që kam qenë dikush që kam luftuar Serbia të jetë në perëndim, dhe jo në lindje. Kjo nuk do të thotë se ne nuk kemi të drejtë, edhe pse jemi pakicë. Mendoj se qeveria e re do të diskutojë për këtë”, ka thënë ajo.
Nga ana tjetër Brnabiq e cila është emëruar si mandatarë e re në krijimin e qeverisë tha se me siguri është mandati i saj i fundit duke shtuar se kjo është qeveria pro serbë ku ndodhen emra të fuqishëm dhe njerëz me profesione”.
Megjithatë edhe një emër i munguar është ajo e ministres për integrime evropiane Jadranka Joksimovioq. Vucic i ka ofruar asaj postin e ministrit të Informacionit dhe Telekomunikacionit por ajo ka refuzuar ta drejtojë këtë sektor. Joksimoviq i kishte thënë Bërnabiq se e kishte bërë mirë punën e saj.
“Qëndrimi i saj ishte që më mirë të mos ishte pjesë e Qeverisë, nëse nuk mund të ishte në të njëjtën pozitë dhe nuk donte pozita ‘komode’. Gjithashtu në përbërje të qeveris së re nuk është as Nebojsha Stefanoviq i cili kritikohej dhe akuzohej për përgjimin e Vucicit.
Por sa është proeveropian përbërja e kësaj qeverie tregon edhe emërimi i Aleksandër Vulin i cili do të jetë në krye të BIA-së, Ivica Dacici në krye të diplomacisë dhe Danca Grujiçiq është propozuar për postin e ministres së Shëndetësisë e cila është shkolluar në Moskë. / I.K/
