Ushtarët e rinj rusë të mobilizuar pohojnë se janë të detyruar të jetojnë “si qentë”, në kushte shumë të këqija. Në rrjetet sociale është përhapur një video e ushtarëve që ankohen se janë krejtësisht të papajisur, nuk kanë informacion apo urdhër, ndaj nuk dinë çfarë të bëjnë dhe jetojnë në llogore që i kanë hapur me duart e tyre. Ata nuk kanë radio, mumje apo ilaçe, e shumë prej tyre as nuk e dinë se ku janë, shkruan Telegrafi.
Gazeta shkruan gjithashtu se ushtarët e sapoformuar janë në kushte gjithnjë e më të ftohta, pasi temperaturat bien nën zero gjatë natës. Disa ushtarë tashmë janë sëmurë dhe kanë nevojë për shtrimin në spital, por askush nuk kujdeset për ta.
– Nuk ka asnjë komandë, asnjë informacion. Ne ulemi në llogore se nuk dimë çfarë të bëjmë. Ne nuk dimë ku janë tanët, nuk dimë ku është armiku, nuk dimë asgjë – tha njëri nga ushtarët.
Ushtarët pohojnë se familjet e tyre duhet të paguajnë edhe uniformat ushtarake dhe se kanë hapur llogore me duar për shkak se nuk kanë pasur lopata.
– Pa lopata, asgjë për ne. Ne jetojmë fjalë për fjalë në një fushë. Na sjellin pak ushqim dy herë në ditë dhe kaq. Ndezim zjarr për t’i ngrohur, mbledhim dru zjarri përreth – thotë njëri.
Gazeta thekson se oficerët e inteligjencës britanike kanë raportuar tashmë se ushtarët rusë janë jashtëzakonisht të dobët të pajisur, si dhe se mercenarët duhet të blejnë pajisjet e tyre mbrojtëse. Në një nga videot e shfaqura në rrjetet sociale, shihet se si një ushtar rus ka marrë një helmetë plastike dhe doreza gome për fëmijë. Disa nga ata që u mobilizuan tashmë janë vrarë në fushën e betejës dhe janë kthyer në Rusi në një kuti, theksohet. /Kosovatimes/
1/ Russian mobilised soldiers from Krasnodar complain that they have been "thrown out like dogs" in the fields of Ukraine, with no information, no orders, no radio, no ammunition and no medicine, and live in holes dug out with their bare hands, as they have no shovels. ⬇️
— ChrisO (@ChrisO_wiki) October 21, 2022
