Presidentja e Kosovës, Vjosa Osmani, bashkë me ministrat Liburn Aliu, Faton Peci morën pjesë në mbjelljen e drunjve në aksin rrugor tek Aeroporti Ndërkombëtar i Prishtinës.
“Çështja e mbrojtjes së ambientit nuk është çështje luksi, por ka të bëjë me ajrin që e thithim çdo ditë. Bashkë më ministrat do të vazhdojmë fazën e dytë ku do të angazhohet edhe mërgata, e cila është shtytëse në shumë procese”, deklaroi presidentja Osmani.
Tutje, presidentja shtoi se duke e mbrojtur ambientin e mbrojmë shëndetin tonë. “Këtu është vendi që e shohin të gjithë qytetarët tanë. Duke falënderuar, ministritë dhe partnerët ndërkombëtarë, të cilët i japin rendësi kësaj kauze”, theksoi mes tjerash presidentja Osmani.
Ndërsa ministri Liburn aliu, theksoi se rreth 500 drunj të dhuruar nga kompania “Chair airline” dhe shtoi zotimin e Ministrisë që ai drejton, që me iniciativën e presidentes, ku, deri më tani, janë mbjellë 850 mijë drunj.
“Rregullojmë peizazhin, ndotja e ajrit nga industria e thëngjillit dhe politikat e ndryshimeve klimatike. Po e përmbajmë zotimin tonë. Shumë projekte tjera do kemi”, deklaroi ministri Aliu.
Ndërkaq ministri Peci bëri të ditur se mbjellja e tyre ka filluar në tetor të vitit te kaluar e do të përfundojë këtë vit. “Iniciativa të tilla nga liderë shtetëror kanë rëndësi kombëtare”, deklaroi ai, derisa theksoi se është avancuar legjislacioni, ku me task-forcën parandalojmë prerje ilegale.
Një ditë e mirë te jemi së bashku në Kosovën e bukur. Drunjtë janë mbrojtës së natyrës. Për këtë arsye jemi përgjegjës të mbjellim me shumë drunj, tha përfaqësuesi i UNDP-së. /Kosovatimes/
