Laura Fazliu ka fituar titullin e kampiones evropiane.
Xhudistja kosovare të premten mbrëma në Sarajevë fitoi medaljen e artë në kategorinë deri 63 kilogramë, në Evropianin U23. Në finalen shumë të fortë dhe interesante, Laura e mposhti gjermanen Annabelle Winzig.
Erza mbetet pa medalje, pëson humbje nga gjermania Wurfel
Xhudistja kosovare, Erza Muminoviq nuk ka arritur të fitojë medaljen e bronztë në Kampionatin Evropian që po mbahet në Sarajevë.
Muminoviq pësoi humbje në “Repechage” në kategorinë deri në 52 kilogramë nga gjermania Annika Wurfel.
Pavarësisht që ishte më e mirë në kohën e rregullt, qetësinë nuk e mbajti në “Golden Score”, ku u ndëshkua dy herë me kartonë të verdhë, ku si pasojë edhe kundërshtarja mori fitoren.
Kujtojmë, se Kosova ka siguruar një medalje në këtë Kampionat Evropian pasi Laura Fazliu ka arritur në finale dhe do të përballet me xhudisten gjermane Annabelle Winzig, për të artën.
Shkëlqen Laura Fazliu, kalon në finalen e madhe të Evropianit U23
Xhudistja e Kombëtares së Kosovës, nuk ka të ndalur në Evropianin U23 që po mbahet në Sarajevë.
Laura është kualifikuar në finalen e madhe të këtij Evropiani pasi në gjysmëfinalen mposhti Brigitta Varga, në kategorinë deri në 63 kilogramë.
Fazliu në finalen e këtij evenimenti të madh të xhudos, do të ndeshet me Annabelle Winzig.
Humbet Erza, mbetet në garë për medalje të bronztë
Xhudistja kosovare Erza Muminoviq është mundur nga xhudistja hungareze Roza Gyertyas, me Ippon në çerekfinalen e Evropianit U23.
Erza nuk ia doli të mund hungarezen, megjithatë, xhudistja jonë Erza do t’i ketë edhe dy ndeshje në repesazh në garën për medalje të bronztë.
Erza Muminoviq në çerekfinalen e Evropianit U23
Erza Muminoviq, një tjetër xhudistë që po e përfaqëson Kosovën Kampionatit Evropian për U23, që po mbahet në Sarajevë, ka kaluar në çerekfinalen e këtij evenimenti të xhudos.
Erza në rrethin e dytë e mundi Marina Diez Castello, në kategorinë deri në 52 kilogramë.
Xhudistja kosovare në raundin e ardhshëm do të përballet me hungarez Roza Gyetyas.
