Forumi i Rinisë i Lidhjes Demokratike të Kosovës, me sukses e përmbylli punëtorinë dyditore, në lidhje me hartimin e platformës politike, si dhe të strategjisë së veprimit. Me këtë rast u themeluan edhe departamentet e Forumit të Rinisë, ku të rinjtë e të rejat e LDK-së do ta japin ekspertizën e tyre në fushat me rëndësi për ta.
“Fryma ekipore ishte përcaktuese për suksesin e punëtorisë dyditore. Aty u bë një punë e jashtëzakonshme dhe shembullore. Kishte përkushtim të lartë e mobilizim të përgjithshëm në ofrim të ideve e propozimeve, ku secila ishte më e mirë se tjetra, e plotësuese e njëra-tjetrës. Të rinjtë e të rejat e LDK-së po angazhohen për të tashmen dhe të ardhmen”, theksoi kryetari i FR të LDK-së, Paris Guri. /Kosovatimes/
