Ndonëse ditëve të fundit mediat serbe kanë pushtuar ballinat me deklaratat e krerëve të Serbisë kinse për kërcënimet me dronë nga Kosova, komentet e lexuesve por edhe segmenteve opozitare në Serbi e kanë kthyer në humor të zi.
Politikbërja në Serbia kishte paralajmëruar ditë më parë se kanë ngritur avionët ushtarak për të rrëzuar dronët, pa specifikuar se për cfarë llojesh bëhet fjalë. Por pas komenteve të ekspertëve ushtarak se me avionë nuk rrëzohen dronët, Ministri i Mbrojtjes Millosh Vuçeviq tha sot se avionët “Mig 29” që u ngritën dje nuk patrullonin për shkak të dronëve, por po bënin kontroll të rregullt të hapësirës ajrore të tyre. I ftuar në RTS, ministri nuk ka dashur të tregojë se të kujt janë dronët, por ka deklaruar se kanë ardhur nga territori i Kosovës.
“Janë vërejtur disa fluturake, ka pasur lëvizje të ndryshme, disa kanë hyrë në Serbinë qendrore, disa kanë lëvizur përgjatë vijës administrative, nuk ka qenë një fluturim i vetëm dhe kanë ardhur së paku nga dy drejtime – saktësoi ministri. Por çfarë saktësoi ministri, siç përshkruajnë mediat serbe. Ai nuk tregoi se nga kanë hyrë në Serbi këta dronë. Por në mënyrë ironike një përgjigje e dha gjenerali në pension dhe politikani nga Partia Popullore Zdravko Ponosh.
“Do të doja të shihja se çfarë rrëzuan. A nuk është një dron për filmimin e dasmave? Nëse është dron për incizimin e dasmave, çfarë lidhje ka Vuçiq? Pse duhet të informohet publiku për këtë – tha Ponosh. Ponoshi me këto fjalë jo vetëm që u tall me ushtrinë serbe, por u tall brutalisht me ushtarët që ruajnë vendin tonë! As Albin Kurti, krijuesi i krizës në Kosovë nuk do të thoshte diçka të tillë”. /Kosovatimes/
