Demush Shasha, analist i zhvillimeve politike thotë se krijimi i gjithë kësaj drame është shenjë e dobësisë, duke nënvizuare një paralele të lëvizjeve ruse dhe serbe.
“Kur pa që po dështon pushtimi i Ukrainës, Rusia bojke thirrje përfaqësuesve të institucioneve Ukrainase të largohen nga institucionet e tyre. Sot Vuçiqi në Kosovë sillet sikur Putini në Ukrainë. Por sikur Putini, Vuçiqi është duke e realizuar këtë strategji shumë dobët”, tha ai.
Shasha rikujtoi se Lista Srpska nuk është tërheq nga institucionet e Kosovës kur është, shkarkuar Jabllanoviqi, kur është vrarë Oliver Ivanoviq, arrestuar Marko Gjuriqi, kur është vendosur taksa 100% dhe realizu një numër aksionesh në veriu gjatë vitit 2021.
“E sot po tërhiqet për “qortime” të targave? Prandaj, e para, këtë nonsens të targave duhet hequr nga rendi ditës. Tani nëse targat nuk janë arsye: çfarë po ndodh? Unë besoj se Vuçiqi po ndërton narracion dramatik publik brenda Serbisë për të krijuar mjedis politik i cili do t’i lejon të lëviz drejt marrëveshjes franko-gjermane. Pra ai po ndërton një narracion dramatik përmes (1) ngritjes së aeroplanëve luftarak për të rrëzuar dronat, (2) ngritjes së gatishmërisë ushtarake; (3) realizimit të ushtrimeve ushtarake; (4) largimit të Listës Srpska nga institucionet; (5) organizimin e protestës së nesërme në Mitrovicë”, konsideropn Shasha. Sipas tij të gjitha këto lëvizje kanë një të përbashkët:” ngritjen e një narracion dramatik publik në Serbi i cili do të krijonte mjedis të favorshëm politik për të portretizuar Vuçiqin si shpëtimtar i vetëm i Serbisë në “rrethanat jashtëzakonisht të vështira nacionale dhe ndërkombëtare”. /Kosovatimes/
