“New York Times” raporton se 40 për qind e infrastrukturës energjetike të Ukrainës është dëmtuar ose shkatërruar, duke bërë që punëtorët komunalë të ngrenë 1000 strehimore ngrohjeje që mund të shërbejnë si bunkerë ndërsa inxhinierët përpiqen të riparojnë termocentralet e bombarduara pa pajisjet e nevojshme.
Roman Tkachuk, drejtor i departamentit të sigurisë në administratën e qytetit të Kievit, i tha kësaj gazete se nëse Rusia vazhdon sulmet e saj agresive, ekziston mundësia që ky qytet të mbetet plotësisht pa energji elektrike.
“Nëse kjo ndodh, zyrtarëve në kryeqytet u është thënë se ndoshta do të njoftohen të paktën 12 orë përpara se rrjeti është në prag të dështimit. Nëse do të arrijë deri në atë pikë, ne do të fillojmë të njoftojmë njerëzit dhe t’u kërkojmë te largohen”, tha Tkachuk. /Kosovatimes/
