Presidenti i Republikës Bajram Begaj ka bërë me dije se ka zhvilluar një komunikim telefonik me homologen e tij kosovare Vjosa Osmani.
Begaj shkroi se gjatë bisedës u informua mbi gjendjen në veri të Kosovës ndërsa shtoi se ka inkurajuar vazhdimin e dialogut mes palëve, duke patur në vëmendje ruajtjen e paqes dhe stabilitetit si dhe të integritetit territorial të Kosovës të garantuara nga NATO.
“I shpreha shqetësimin Presidentes Osmani dhe njëkohësisht inkurajova vazhdimin e dialogut mes palëve, duke patur në vëmendje ruajtjen e paqes dhe stabilitetit si dhe të integritetit territorial të Kosovës të garantuara nga NATO. Mbetet madhor interesi i integrimit euro-atlantik të Kosovës dhe i gjithë rajonit të Ballkanit Perëndimor”, tha ai. /Kosovatimes/
