Kreu i Ligës së Socialdemokratëve të Vojvodinës, Nenad Çanak, tha se Kosova nuk u vodh, por humbi në luftën e nisur nga regjimi Nacional Socialist i Sllobodan Millosheviqit dhe solli qindra mijëra të vdekur dhe miliona të shpërngulur në të gjithë territorin e ish-Jugosllavisë.
“Më pas nënshkroi kapitullimin e Kosovës, që në mënyrë cinike u quajt Marrëveshja Teknike Ushtarake nga Kumanova. Të quash marrëveshje ushtarako-teknike është tradhti e lartë, si tradhtia e lartë dhe nënshkrimi i të ashtuquajturës Marrëveshje Themelore me Kishën e Serbisë, të cilën e ka bërë krimineli Dritan Abazoviq dhe kjo quhet kontratë dhe jo dorëzim. jo vetëm të pronës malazeze, por të identitetit malazez”, tha Çanak për mediat malazeze. /Kosovatimes/
