Kryetari i AKB-së, Agim Shahini, vizitoj fabrikën “Distileria Fron” që operon nën ombrellën e kompanisë MaCon të familjes Rugova,nga fshati Cerrcë komuna Istog, ku u takuan me udhëheqësin e kësaj fabrikës z. Gani Rugova për të parë nga afër punën dhe prodhimin e produkteve të kompanisë.
Pronari i kompanisë z.Rugova, theksoi së, kanë një përvojë të gjatë në prodhimin e rakisë. “Prodhojmë raki të përpunuar me teknologji moderne gjithmonë duke ruajtur aromën e frutave dhe origjinalitetin e saj. Jemi në treg me këto lloje produktesh: raki të mollës, rrushit, kumbullës, ftonit, dardhës, GIN, Liker mjedre, Liker vishnje, arrës dhe produkti “FRON ONE”(destilat rrushi i ruajtur në kacë të drurit francez i kombinuar me karramel)”, tha ai.
Kryetari Shahini u zotua se së bashku do të punojnë për zgjidhjen e problemeve dhe sfidave me të cilat po ballafaqohen prodhuesit vendor, duke i krijuar kushte sa më të favorshme për të ushtruar veprimtarinë e duhur të biznesit.
Brendi “Fron” i kompanisë “Familja Rugova sh.p.k, është shpërblyer tre herë me medalje në panaire të njohura evropiane, në Austri dhe Gjermani. /Kosovatimes/
