Gjeneral-lejtnant rus i shkarkuar së fundmi, Alexander Lapin, i cili u shkarkua pasi udhëheqësi çeçen Ramazan Kadyrov e fajësoi atë për humbjen e qytetit strategjik të Limanit, tashmë është zëvendësuar. Ai u zëvendësua nga gjeneralmajor Aleksandar Linkov, i cili përkohësisht do të kryejë detyrën e komandantit të Qarkut Qendror Ushtarak. Në këtë lojë të drejtuar nga kreu i Kremlinit, një gjë mbetet e paqartë – ku është ushtaraku që askush nuk e ka parë që kur u hoq nga detyra.
Gjithashtu, ajo që duket e çuditshme, dhe ndoshta edhe e dyshimtë, është se Kremlini nuk e ka konfirmuar se e ka zëvendësuar atë. Sipas informacioneve të fundit nga kreu i shërbimit rus, ai është në pushim vjetor.
Megjithatë, nuk dihet se kush vendosi që një nga gjeneralët më të rëndësishëm gjatë luftës do të shkonte me pushime, nëse ato pushime do të zgjasin vërtet tre javë, duke qenë se Kremlini e ka përcaktuar tashmë zëvendësimin e tij, apo nëse bëhet fjalë për një pushim të detyruar apo vullnetar.
Për shkak të gjithë kësaj, në Kremlin filluan thashethemet se Lapin ishte likuiduar.
Kush do të donte ta hiqte?
Të gjitha rrugët në këtë teori çojnë te një njeri – Kadyrov.
Para së gjithash, duhet theksuar se pasi ushtria ruse filloi të përjetonte disfata katastrofike në frontin ukrainas, lideri i Çeçenisë Ramazan Kadyrov hyri në një konflikt të hapur me kuadrot më të larta të ushtrisë së këtij vendi. Rastësisht apo jo, vetëm njëzet ditë më vonë Lapin u shkarkua.
Domethënë, pas shkarkimit të Lapinit, një numër i vogël i mediave të pavarura ruse filluan të sugjerojnë hapur se pas këtij shkarkimi qëndronte Kadyrov. Arsyeja e këtyre spekulimeve është se udhëheqësi çeçen kritikoi vazhdimisht Lapin për humbjet në front.
Menjëherë pas çlirimit të Limanit, Kadyrov kritikoi publikisht udhëheqjen ushtarake ruse në krye të këtij qyteti.
“Mbrojtja e kësaj pjese është menaxhuar nga komandanti, gjeneral-koloneli Aleksandar Lapin. I njëjti Lapin që mori yllin Heroin e Rusisë për kapjen e Lisichansk, edhe pse ai de fakto nuk ishte afër. Gjenerali vendosi luftëtarë nga Lugansk dhe njësi të tjera në të gjitha drejtimet drejt Limanit, por nuk u siguroi atyre komunikimin, ndërveprimin dhe furnizimin e nevojshëm me municion”, tha Kadyrov.
Ai shtoi gjithashtu se Lapin kishte dy javë përpara humbjes brutale për të identifikuar problemet kryesore dhe për t’i zgjidhur ato. /Kosovatimes/
