Me fitoren në Nevada, demokratët kanë arritur të ruajnë kontrollin e Senatit, pasi arritën 50 vendet e nevojshme senatoriale.
Catherine Cortez Masto, senatorja aktuale nga shteti i Nevadës, do të qëndrojë në këtë detyrë edhe për gjashtë vitet e ardhshme, kanë njoftuan mediat amerikane, duke e shënuar atë si fituese ndaj kundërshtarit të Partisë Republikane, Adam Laxalt.
Megjithëse Laxalt kryesisht i printe garës që nga nata e zgjedhjeve, faktori vendimtar ishte numërimi i votave me postë, gjë që favorizoi demokratët.
Së bashku me Arizonën fqinje, Nevada ishte një nga dy shtetet e betejës së ashpër, ku rezultati i Senatit mbeti i paqartë disa ditë pas ditës së zgjedhjeve, derisa zyrtarët numëruan të gjitha votat për të përcaktuar fituesin.
Tani edhe nëse republikani, Herchel Walker mposht senatorin aktual Raphael Warnock në balotazh, balanci i pushtetit në Senat do të jetë 50-50, por demokratët do të kishin avantazh sepse në rastet kur ka barazim votash, kur vendimi merret me shumicë të thjeshtë, atherë vendos vota e Zv.Presidentes Kamala Harris, e cila është anëtare e Partisë Demokratike.
