Policia turke bëri të ditur identitetin e gruas që dyshohet se shpërtheu dje në qendër të Stambollit një bombë që vrau gjashtë persona dhe plagosi 81 të tjerë. Bëhet fjalë për shtetasen siriane Ahlam Albashir, e cila dyshohet se ka pranuar krimin dhe lidhjen e saj me Partinë e Punëtorëve të Kurdistanit (PKK).
Sipas mediave turke, policia e ka identifikuar të dyshuaren pas arrestimit herët në mëngjes. Ajo është një shtetase siriane e cila dyshohet se ka pranuar se PKK e ka trajnuar si oficere speciale të inteligjencës dhe se ka hyrë ilegalisht në Turqi përmes Afrin-Idlib për të ndërmarrë veprime.
Ajo është arrestuar me 21 të dyshuar të tjerë mëngjesin e sotëm, në një aksion të madh policor. Arrestimi u konfirmua nga ministri i Brendshëm turk Suleiman Soylu, i cili deklaroi se mes tyre ishte një grua e cila u identifikua si autorja kryesore e sulmit të djeshëm në Avenue Istiklal.
Në videot e publikuara shihet se policia hyn në kompleksin e banesave ku ndodhen të dyshuarit.
Në total janë arrestuar 22 persona, ndërsa policia ka konfiskuar një sasi të caktuar parash dhe bizhuteri ari.
UPDATE: The Istanbul bomber’s name is Ahlam Albashir, a Syrian national.
She reportedly confessed that she was trained by the PKK as a special intelligence officer and that she had entered Turkey illegally through Afrin-Idlib to take action. pic.twitter.com/TUiUK8RRVA
— Ragıp Soylu (@ragipsoylu) November 14, 2022
