Fahrettin Altun, kreu i mediave dhe komunikimit në presidencën turke, konfirmoi se drejtori i Shërbimit të Inteligjencës së Jashtme Ruse (SVR) Sergej Naryshkin dhe drejtori i Agjencisë Qendrore të Inteligjencës amerikane, William Burns, kanë mbajtur një takim sot në Ankara.
– Ne konfirmojmë takimin e drejtorëve të shërbimeve të inteligjencës ruse dhe amerikane në Turqi, i cili u organizua nga Organizata Kombëtare e Inteligjencës – tha ai për NTV , raportoi TASS.
Ata diskutuan kërcënimet ndaj sigurisë ndërkombëtare, duke përfshirë ato që lidhen me përdorimin e mundshëm të armëve bërthamore, shtoi ai.
Sipas zyrtarit turk, Ankaraja, falë përpjekjeve ndërmjetësuese të së cilës u mbajt më herët një takim i ministrave të jashtëm të Ukrainës dhe Rusisë dhe u arrit një marrëveshje për grurin, do të vazhdojë negociatat me të gjitha palët për të arritur paqen.Zëdhënësi i Kremlinit Dmitry Peskov konfirmoi më parë për TAS S se konsultimet ruso-amerikane u zhvilluan në Ankara.
