Presidentja Vjosa Osmani është takuar me homologun e saj austriak, Alexander Van der Bellen.
Ajo, me anë të një postimi në rrjetin social Facebook, ka thënë se pati një pritje të ngrohtë nga Van der Bellen, të cilin e falënderoi për mbështetjen që Austria i jep Kosovës.
“Potencuam vendosmërinë e përbashkët për ta thelluar bashkëpunimin dhe koordinimin, duke kontribuar bashkërisht për paqe dhe stabilitet të qëndrueshëm në këtë kohë kritike për Evropën”.
“Presidentin Van der Bellen e urova për rizgjedhjen e tij në krye të shtetit dhe shpreha vendosmërinë tonë të punojmë drejt hapjes së kapitujve të rinj të bashkëpunimit në mes të Kosovës dhe Austrisë”, ka shkruar Osmani. /Kosovatimes/
