Courtney Clenny, modelja e OnlyFans e cila është akuzuar për vrasjen e të dashurit të saj, është fotografuar e veshur me rroba të lagura me gjak.
Fotot janë realizuar në muajin prill në momentin e arrestimit të saj dhe në to shihet Courtney thuajse e mbuluar me gjak nga koka te këmbët. Autoritetet publikuan edhe foto nga banesa ku ndodhi vrasja, ku shihet dyshemeja e lagur me gjakun e viktimës.
Clenny pretendon se ajo goditi me thikë të dashurin e saj, Christian Obumseli, në vetëmbrojtje. Mediat shkruajnë se marrëdhënia e tyre ka qenë e dhunshme dhe se policia ka ndërhyrë disa herë për shkak të sherreve të Obumselit dhe Klenit.
Courtney është akuzuar për vrasje dhe aktualisht është në paraburgim në Miami në pritje të gjykimit.
Gjatë seancës së djeshme, u dëgjua se Courtney ka fituar më shumë se 3 milionë dollarë nga faqja e të rriturve që nga viti 2020.
Në një mocion kundër lirimit me kusht, zyra e Prokurorit të Përgjithshëm të Majamit tha se Clenny fitoi 1,806,003 dollarë në faqen e të rriturve vitin e kaluar dhe 966,692 dollarë një vit më parë. Sipas të dhënave, ajo ka fituar 327,221 dollarë të tjera deri në gusht të këtij viti.
Prokurori tha se fakti që i akuzuari ka miliona paraqet rrezik ikje dhe kërkoi nga gjykata që Courtney të qëndrojë pas hekurave deri në gjykim.
Prokurori deklaroi gjithashtu se Clenny i transferoi 1,184,000 dollarë babait të saj pasi ajo vrau Christian Obumseli, një tregtar kriptomonedhash. Ajo besohet se ia ka transferuar paratë babait të saj për të fshehur pasurinë e saj.
Edhe pse ajo pretendon që në fillim se e ka vrarë Christianin për vetëmbrojtje, provat tregojnë se vrasja është kryer me zemërim dhe se Christian nuk e ka sulmuar.
