Përfaqësuesit rusë dhe ukrainas thuhet se u takuan në Emiratet e Bashkuara Arabe javën e kaluar. Ne ate takim është diskutuar një shkëmbim i mundshëm i të burgosurve dhe në lidhje me eksportet e amoniakut rus në Azi dhe Afrikë përmes Ukrainës, thanë burime të njohura me takimin.
Reuters, raporton N1 Kroacia , mëson se negociatat u koordinuan nga zyrtarë arabë dhe Kombet e Bashkuara nuk u përfshinë pavarësisht rolit të madh në negociata dhe nismës për të eksportuar produkte ushqimore nga portet ukrainase në Detin e Zi. Amoniaku përdoret zakonisht në industrinë bujqësore për të prodhuar plehra.Përfaqësuesit e Rusisë dhe Ukrainës mbërritën në Abu Dhabi më 17 nëntor për të diskutuar lejimin e Rusisë që të vazhdojë të eksportojë amoniak në këmbim të shkëmbimit të një numri të madh të burgosurish ukrainas dhe rusë.
Ambasadori i Ukrainës në Turqi, Vasyl Bodnar, tha për Reuters se “lirimi i robërve të luftës është pjesë e negociatave për hapjen e eksporteve ruse të amoniakut”, duke shtuar se në çdo rast, po kërkohet një mënyrë për të vazhduar eksportet.
