Forcat ukrainase goditën një termocentral në sulme të shumta në rajonin Kursk të Rusisë të martën, duke shkaktuar një ndërprerje të pjesshme, tha guvernatori lokal.
“Kishte rreth 11 lëshime gjithsej. Termocentrali u godit,” tha Roman Starovojt , guvernatori i rajonit të Kursk, në aplikacionin e mesazheve Telegram.
“Për shkak të kësaj, ka pasur një ndërprerje të pjesshme të energjisë në rrethet Suzha dhe Korenevo”. Këto rrethe janë pjesë e rajonit Kursk të Rusisë, i cili kufizohet me Ukrainën.
Deri më tani, nuk ka informacione për viktima të mundshme, shtoi guvernatori.
Reuters nuk mundi të verifikonte në mënyrë të pavarur raportet. Ukraina nuk e ka marrë përgjegjësinë apo nuk ka komentuar.
Autoritetet ruse në rajonet në kufi me Ukrainën kanë akuzuar sërish Kievin për sulme ndaj objektivave si linjat e energjisë elektrike dhe depot e karburantit dhe municionit.
