Marshi i protestuesve ka ndaluar edhe tek objekti i Qeverisë nën thirrjet se më nuk do të ketë më protesta paqësore derisa brohoritej “Kjo nuk është qeveri për barazi”, “Nuk duam statuse, duam vepra”.
Njëra nga organizatoret e protestës para masës tha se janë mbledhur për të protestuar sepse aktualisht, vajzat e gratë e Kosovës janë në luftë të vazhdueshme me burrat, patriarkatin e shtetin.
“Jemi mbledhur këtu për të kundërshtuar faktin se jeta jonë është bërë çdo herë e më e padurueshme nga dhuna, më e pasigurt e më e frikshme. Kësaj duhet t’i vijë fundi. Dje, ne u bëmë dëshmitar të një vrasje tjetër, edhe një burrë e vrau një grua shtatzënë në oborrin e QKUK. Sokol Haliti ia mori jetën Hamide Magashit e bashkë me të edhe fëmijës së saj të palindur, e kjo vrasje makabre dyta me radhë për më pak se një javë nuk u bë veç nga dora e vrasësit. Hamidja u vra nga Sokoli dhe nga shteti që po i lë gratë pa siguri e pa mbrojtje edhe kur ato marrin guximit që ta kërkojnë atë”, tha ajo derisa kanë përmendur një për një të gjithë emrat e grave e vajzave të vrara deri tash.
Protestohet kundër vrasjes së gruas shtatzënë: ‘Poshtë gjykatat patriarkale’
Qindra protestuesit e mbledhur kanë ndaluar edhe tek Policia e Kosovës, në dyert e së cilit institucion lanë mbishkrimin “Vrasja e grave nga burrat të trajtohet si urgjencë kombëtare. I njëjti mbishkrim u vendos edhe tek objekti i Këshillit Gjyqësor të Kosovës aty ku ndaloi marshi i protestuesve nën thirrjet “Poshtë gjykatat patriarkale”.
Protesta u thirr pas vrasjes së gruas shtatzënë, Mehide Magashi nga ish-bashkëshorti i saj tek objekti i Klinikës Gjinekologjike, aty ku e ndjera ishte e shtrirë në pritje të lindjes së fëmijës së parë.
Me thirrjet për dorëheqje protestohet për vrasjen e shtatzënës 35 vjeçare
Me thirrjen për drejtësi për gratë e vrara ka nisur protesta e thirrur nga Kolektivi për Mendim dhe Veprim Feminist dhe Rrjeti i Grave të Kosovës.
Marshi i protestuesve nga sheshi “Zahir Pajaziti” e deri tek objekti i Ministrisë së Drejtësisë është përcjellë me thirrje për dorëheqje, derisa pjesëmarrësit mbanin në duar pankartat “Historinë e Kosovës po e shkruajmë me gjak të grave”, “Poshtë patriarkati”, “Drejtësi, jo poezi”, “Burrat vrasin gratë, shteti heshtë”.
Nga Ministria e Drejtësisë, marshi ka vazhduar duke ndaluar tek Prokuroria e Shtetit nën brohoritjet “Prokuroria i ka duart me gjak”, “Gjykata i ka duart me gjak”, “Policia i ka duart me gjak”, “Shteti i ka duart me gjak”.
Qindra protestuesit e mbledhur kanë ndaluar edhe tek Policia e Kosovës, në dyert e së cilit institucion lanë mbishkrimin “Vrasja e grave nga burrat të trajtohet si urgjencë kombëtare. I njëjti mbishkrim u vendos edhe tek objekti i Këshillit Gjyqësor të Kosovës aty ku ndaloi marshi i protestuesve nën thirrjet “Poshtë gjykatat patriarkale”.
Protesta u thirr pas vrasjes së gruas shtatzënë, Mehide Magashi nga ish-bashkëshorti i saj tek objekti i Klinikës Gjinekologjike, aty ku e ndjera ishte e shtrirë në pritje të lindjes së fëmijës së parë.
