Shtetet e Bashkuara kanë nënshkruar një kontratë prej një miliardë e dyqind milionë dollarësh me Raytheon për blerjen e sistemeve të avancuara të mbrojtjes ajrore NASAMS (National Advanced Surface-to-Air Missile Systems) për Ukrainën.
Sipas faqes së internetit të Pentagonit, Raytheon i është dhënë një kontratë me çmim fiks për furnizimin e sistemeve të raketave tokë-ajër, pajisje të ngjashme, shërbime dhe pjesë këmbimi për të mbështetur përpjekjet në Ukrainë. Data e pritshme e përfundimit të kontratës është 28 nëntor 2025.
Autoritetet amerikane kanë miratuar dërgimin e Ukrainës me gjithsej tetë sisteme NASAMS. Dy sisteme të tilla kanë mbërritur tashmë në Ukrainë. Faktin që deri në fund të nëntorit Kievi do të marrë sistemet raketore kundërajrore NASAMS, armët më moderne të kësaj klase, njoftoi një muaj më parë sekretari amerikan i Mbrojtjes Lloyd Austin.
NASAMS është një sistem raketor i lëvizshëm kundërajror me rreze të shkurtër dhe të mesme, i projektuar për të përballuar objektivat ajrore në lartësi të ulëta dhe të mesme. Ai është i aftë të shkatërrojë dronë, raketa balistike dhe lundruese, helikopterë, avionë dhe objektiva të tjerë në ajër.
Transferimi i sistemeve të mbrojtjes ajrore në Ukrainë është intensifikuar pasi Rusia filloi të godasë infrastrukturën kritike, kryesisht në termocentralet.
Moska tha se po kryente sulme në përgjigje të hedhjes në erë të urës së Krimesë më 8 tetor. Kremlini e quajti sulmin në urë një sulm terrorist dhe fajësoi Ukrainën për të.
