Presidenti turk Rexhep Tajip Erdogan dhe kryeministri britanik Rishi Sunak diskutuan hapat për përmirësimin e marrëdhënieve turko-britanike, me fokus tregtinë dhe industrinë e mbrojtjes, raporton Anadolu Agency (AA).
Drejtoria e Komunikimit e Presidencës Turke njoftoi se Erdogan në një bisedë telefonike theksoi se beson se arsyeja e shëndoshë dhe perspektiva strategjike do të vazhdojnë të udhëheqin marrëdhëniet mes dy aleatëve të NATO-s.
Erdogan dhe Sunak shkëmbyen gjithashtu pikëpamje mbi çështjet rajonale.
Presidenti turk Erdogan theksoi se është në interes të të gjitha palëve që të rivendosin shpejt bazat për negociatat midis Rusisë dhe Ukrainës.
“Erdogan theksoi gjithashtu rëndësinë e ndërmarrjes së hapave të rinj konkretë për zgjidhjen e çështjes së Qipros”, thuhet në deklaratë.
