Brenda një jave në Kosovë u vranë dy gra. Të dyshuar kryesorë, bashkëshortët e tyre.
Hamide Magashi u vra teksa po priste të sillte në jetë fëmijën e saj. Po, si mund të parandalohet kjo dhunë? Si të përballen gratë me dhunuesit? Çfarë duhet të bëjë shteti? E çfarë shoqëria?
Në këtë episod të podkastit Libertas, flasim me Mërgime Kajtazi, avokate nga Kosova, me bazë në ShBA.
Mërgimja ka qenë edhe vetë viktimë e dhunës së ushtruar nga ish-bashkëshorti i saj.
Teksa jeta e saj ka ndryshuar për mirë, si e mbijetuar e dhunës në çift, Mërgimja i bën thirrje grave dhe vajzave të cilat aktualisht ballafaqohen me dhunë në familje, të flasin dhe të raportojnë dhunën.
“Dhuna [e ushtruar ndaj teje] nuk është, është turpi i dhunuesit”, thotë ajo. “Lëre [partnerin ose bashkëshortin] në shuplakën e parë. Nuk do të bëhet kurrë më mirë”, është mesazhi i Mërgimes për gratë dhe vajzat viktima të dhunës.
