By using this site, you agree to the Privacy Policy and Terms of Use.
Accept
Kosova TimesKosova Times
Notification Show More
Latest News
Niveli më i lartë i alarmit për thatësirë ​​në Ballkan, një vend që ngrohet më shpejt në Evropë
June 8, 2025
Një besnik i Trump pretendon: Pati edhe një konflikt fizik në Shtëpinë e Bardhë, Musk u përlesh me ministrin e financave
June 8, 2025
Pamjet që sapo kanë dalë nga Los Angeles
June 8, 2025
Dinjiteti shqiptar dhe torturat serbe në 13 burgje
June 8, 2025
Shikoni galerinë e fotove nga Los Angeles-emigrantet tejkalojne kufijte
June 8, 2025
Aa
  • Ballina
  • Politikë
    • Lajme
    • Tema
    • Gjeopolitikë
    • Opinion
  • Rajon / Botë
  • Ekonomi
    • Lajme
    • Tema
    • Financa
    • Turizëm
    • Bujqësi
  • Kulturë
    • Lajme
    • ShowBiz
    • Moda
  • Shëndetësi
  • Sport
  • Hi-tech
    • Teknologji
    • Shkencë
Reading: Bislimi: Nuk mund t’i publikoj detajet e planit franko-gjerman
Share
Aa
Kosova TimesKosova Times
Search
  • Home
    • Home News
    • Home 2
    • Home 3
    • Home 4
    • Home 5
  • Categories
  • Bookmarks
    • Customize Interests
    • My Bookmarks
  • More Foxiz
    • Blog Index
    • Sitemap
Have an existing account? Sign In
Follow US
Kosova Times > Blog > Politikë > Lajme > Bislimi: Nuk mund t’i publikoj detajet e planit franko-gjerman
Ballina 1Lajme

Bislimi: Nuk mund t’i publikoj detajet e planit franko-gjerman

Kosova Times
Last updated: 2022/12/06 at 4:12 PM
Kosova Times Published December 6, 2022
Share
SHARE

Zëvendëskryeministri i Kosovës, Besnik Bislimi, ka thënë se nuk mund ta bëjë publike përmbajtjen e planit franko-gjerman për arsye se kështu janë marrë vesh palët në dialog.

Kështu tha ai më 6 dhjetor para Komisionit për punë të jashtme dhe diasporë, ku raportoi për dialogun Kosovës-Serbi.

Ai tha se ka një dakordim mes propozuesve të planit [BE-së, Francës dhe Gjermanisë], dhe në anën tjetër të kryeministrit të Kosovës, Albin Kurti, dhe presidentit serb, Aleksandar Vuçiq, që përmbajtja e tekstit të mbahet larg publikut në mënyrë që “diskutimi të jetë sa më konstruktiv”.

Plani i BE-së, i cili mbështetet nga Gjermania, Franca dhe Shtetet e Bashkuara, është pjesë e dialogut për normalizimin e marrëdhënieve ndërmjet Kosovës dhe Serbisë.

Ndonëse ka kohë që përflitet, për përmbajtjen e tij nuk ka informacione zyrtare.

I pyetur nga deputetët e komisionit se pse Kosova është pajtuar që ky proces të jetë kaq i mbyllur dhe me kaq pak informata për publikun, Bislimi tha se ka qenë kryeministri Kurti në takimin me ndërmjetësuesit ku është arritur ky dakordim, por se nuk ka pasur mundësi zgjedhje mes “opsionit të hapur ose opsionit të mbyllur”, ngase diskrecioni ka qenë kërkesë eksplicite në tavolinë.

Ai tha se edhe pse përmbajtja e të ashtuquajturit plani franko-gjerman nuk është bërë publike, lideri i Aleancës për Ardhmërinë e Kosovës, Ramush Haradinaj e ka lexuar atë, dhe ishte udhëzuar që përmbajtjen e tij ta ndante edhe me dy liderët tjerë të partive opozitare, të cilët nuk i kanë shkuar Kurtit në takim.

Pas takimit të 21 tetorit, Haradinaj kishte thënë se me Kurtin ka qenë përmbajtësor, por nuk i ishte përgjigjur gazetarëve nëse në takim ishte diskutuar për të ashtuquajturin plani franko-gjerman.

Përfaqësuesi i lartë i Bashkimit Evropian për politikë të jashtme dhe siguri, Josep Borrell, konfirmoi më herët gjatë ditës se Prishtina dhe Beogradi kanë marrë tekstin e përditësuar të këtij plani.

Bislmi tha se Kosova e ka pranuar “draftin e përditësuar, por jo draftin final”.

Më herët, zyrtarë në Kosovë e kanë cilësuar planin e ashtuquajtur franko-gjerman si “bazë të mirë” për diskutime të mëtejme me Serbinë, ndërsa në Serbi kanë thënë se plani nuk është në favor të saj.

Presidenti serb, Aleksandar Vuçiq, ka thënë se plani parasheh që Serbia të mos e pengojë Kosovën nga anëtarësimi në organizata ndërkombëtare, përfshirë Kombet e Bashkuara, në këmbim të përshpejtimit të anëtarësimit të saj në BE.

Bislimi tha se edhe kur Vuçiqi që ka thënë se ka një plan franko-gjerman ka mbështetjen e ShBA-së dhe Turqisë është konsideruar nga ndërmjetësuesit se e ka shkelur marrëveshjen për konfidencialitet.

Portali informativ, Euractiv, publikoi më 9 nëntor një dokument, për të cilin tha se është draft i propozimit franko-gjerman.

Dokumenti i publikuar përmban 9 nene. Fillon me pajtim për marrëdhënie normale mes Kosovës dhe Serbisë, angazhimin për integrim në BE, zgjidhjen e mospajtimeve dhe respektimin e integritetit territorial, respektimin e subjektivitetit të njëra-tjetrës, respektimin e ndërsjellë të juridiksionit, zotimin për rritje të bashkëpunimit në fusha të ndryshme – përfshirë ekonominë, shkencën, gjyqësorin, fushën e mbrojtjes etj. Plani, siç thuhet, parasheh edhe shkëmbimin e misioneve të përhershme, si dhe pajtimin e palëve që kjo marrëveshje nuk ndikon në marrëveshjet e arritura më parë.

Autenticiteti i këtij dokumenti nuk ka mundur të verifikohet në mënyrë të pavarur nga Radio Evropa e Lirë.

Kosova dhe Serbia kanë nisur dialogun për normalizimin e marrëdhënieve qysh në vitin 2011, nën ndërmjetësimin e BE-së.

Palët kanë arritur dhjetëra marrëveshje për këtë qëllim, por zbatimi i shumicës së tyre ka ngecur.

Përfaqësuesi i BE-së në këtë dialog, Mirosllav Lajçak, tha të martën në Prishtinë se zyrtarët në Bruksel janë duke punuar që një takim i ri mes Kurtit dhe Vuçiqit të mbahet brenda javësh.

You Might Also Like

Vdes në vendin e punës një 63-vjeçar në Gjakovë

Bllokada në Kuvend, Bahtiri: Reflektoni ose bëhuni përgjegjës për këtë turp

Kurti për barazimin: Të pakënaqur me rezultatin, por jo me kombëtaren

Komuna e Podujevës nga sot nis dezinsektimin e hapësirave publike

Gashi: Qytetari duhet të rikthehet si gjykatës

Kosova Times December 6, 2022
Share this Article
Facebook Twitter Email Print
Leave a comment

Leave a Reply

Your email address will not be published. Required fields are marked *

Follow US

Find US on Social Medias
Facebook Like
Twitter Follow
Youtube Subscribe
Telegram Follow

Weekly Newsletter

Subscribe to our newsletter to get our newest articles instantly!

[mc4wp_form]
Popular News
Rajon / Botë

Duma e Shtetit propozoi vendosjen e dënimit me vdekje për tradhtarët emigrantë

Kosova Times Kosova Times February 6, 2023
Rritja e pagave, më e komplikuar seç duket
Ali Lajçi një figurë historike e kombit shqiptar
PSG triumfon nga Monaco në një ndeshje me shumë gola
Mbi 3.000 të vrarë në Liban gjatë 1 viti lufte mes Izraelit dhe Hezbollahut, sipas Ministrisë libaneze
- Advertisement -
Ad imageAd image
Global Coronavirus Cases

Confirmed

0

Death

0

More Information:Covid-19 Statistics

Kategoritë

  • Politikë
  • Rajon / Botë
  • Ekonomi
  • Kulturë
  • Shëndetësi
  • Sport
  • Hi - tech

About US

Kosova Times We influence 20 million users and is the number one business and technology news network on the planet.

Subscribe US

Subscribe to our newsletter to get our newest articles instantly!

[mc4wp_form]

© Kosova Times. All Rights Reserved.

Removed from reading list

Undo
Welcome Back!

Sign in to your account

Lost your password?