Eksperti amerikan për Ballkanin Perëndimor, Janusz Bugajski, kritikoi ashpër punën e ish-përfaqësuesit të lartë në Bosnje dhe Hercegovinë, Miroslav Lajçak, i cili sot mban pozitën e të dërguarit special të BE-së për dialogun ndërmjet Beogradit dhe Prishtinës.
“ Lajçak duhet ta ketë punën më të lehtë në Bashkimin Evropian. Thjesht udhëtoni midis kryeqyteteve dhe përsëritni të njëjtat fraza të zbrazëta. Nuk ka përgjegjësi për diplomatët e BE-së bazuar në rezultate. Mospërmbushja e detyrimeve është bërë normalizimi i BE-së”, tha eksperti amerikan për Ballkanin Perëndimor, Janusz Bugajski.
Për kujtesë, i dërguari i posaçëm i BE-së për dialogun ndërmjet Beogradit dhe Prishtinës, Miroslav Lajçak, ka qenë dje në Beograd, ku ka takuar presidentin e Serbisë , Aleksandar Vuçiq , dhe shefin e diplomacisë serbe, Ivica Daçiq .
Lajçak ka raportuar për takimin dyorësh me Vuçiqin përmes një postimi në Twitter.
U diskutua, siç tha ai, për rrugën drejt normalizimit të marrëdhënieve, si vazhdimësi e takimeve të mëparshme, si dhe për çështje aktuale, duke përfshirë kthimin e serbëve në institucionet e Kosovës, udhërrëfyesin energjetik dhe personat e pagjetur. Prishtinën sot do ta vizitojë edhe Miroslav Lajçak.
