Në Gjermani janë arrestuar 25 persona, të cilët dyshohet se janë anëtarë të një organizate terroriste ose e mbështesin atë dhe që, siç supozohet, kanë planifikuar të kryejnë një grusht shteti duke u futur në Bundestag.
Policia gjermane po kryen një operacion të madh kundër ekstremistëve të krahut të djathtë, të cilët dyshohet se planifikojnë të sulmojnë Bundestagun, raporton Spiegel duke cituar burime.
Sipas raportimeve, forcat speciale po kryejnë operacione në 11 shtete federale në të njëjtën kohë.
Kontrolli është kryer në 130 shtëpi, zyra dhe objekte të tjera. Theksohet se plani i ekstremistëve ishte të kryenin një sulm të armatosur në parlament dhe të mbanin peng politikanë . Ata prisnin që disa pjesë të strukturave të sigurisë të solidarizoheshin me ta, gjë që do të mundësonte një grusht shteti.
Prokuroria njoftoi se në mesin e të arrestuarve ishte edhe një shtetas rus. Sipas Prokurorisë, ajo dyshohet se ka ndërmjetësuar mes krerëve të komplotistëve dhe përfaqësuesve të Rusisë .
Prokuroria e Përgjithshme Gjermane tha se në mesin e të arrestuarve nën dyshimin se po përgatiteshin për një grusht shteti në vend ka një shtetase e Federatës Ruse. Kjo është raportuar nga RIA Novosti .Vihet re se mes të arrestuarve është edhe shtetasja ruse Vitalia B. Sipas raporteve shtetasja ruse e ndaluar në Gjermani, dyshohet se ka ndërmjetësuar mes “udhëheqësit të komplotit dhe përfaqësuesve të Rusisë”.
Në të njëjtën kohë, Zyra e Prokurorit të Përgjithshëm vuri në
Të arrestuarit dyshohet se kanë tentuar të krijojnë lidhje me përfaqësues të Rusisë, por nuk kanë marrë mbështetje, shton Prokuroria.
Prokuroria theksoi se nuk ka asnjë arsye për të dyshuar se zyrtarët rusë kanë mbështetur komplotistët.
Të dyshuarit planifikonin të krijonin një qeveri të përkohshme ushtarake dhe të zhvillonin negociata me një numër të madh vendesh.
Prokuroria gjermane njoftoi gjithashtu se shumë nga të arrestuarit ishin në shërbim të Bundeswehr-it./Kosovatimes/
