Me moton “Boll ma! Abuzimi nuk fshihet brenda mureve” të enjten dhjetëra persona me nevoja të veçanta marshuan në qendër të Prishtinës kundër dhunës ndaj grave.
Protestuesit që mbanin të veshur nga një pelerinë të bardhë, thanë se abuzimet nuk duhet fshehur brenda mureve.
Nga organizata Artpolis, që ka përkrahur organizatat joqeveritare për organizimin e protestës, thanë se edhe në familjet ku jetojnë personat me nevoja të veçanta, dhuna është e pranishme.
Asnjë nga përfaqësuesit e institucioneve të Kosovës nuk ishin pjesë e protestës, e cila u mbajt në kuadër të fushatës “16 ditë të aktivizmit kundër dhunës me bazë gjinore”.
Rastet e dhunës në familje në Kosovë janë rritur në vitet e fundit. Sipas të dhënave të Policisë së Kosovës, dhënë Radios Evropa e Lirë, gjatë periudhës janar-tetor 2022, janë regjistruar 2.273 raste të dhunës në familje.
“Ishte mbrëmje dhe isha duke shkuar në një aktivitet. Një burrë prapa meje ka filluar të me ngacmojë dhe të flasë gjëra banale… Jam ndier e kërcënuar se në rrugë nuk kishte civilë e as kamera”, tha ajo për Radion Evropa e Lirë duke shtuar se nuk kishe mundësi as kohë që ta marr telefonin në dorë për ta telefonuar policinë.
“Fatkeqësisht, kjo shoqëri bëhet kinse nuk i sheh e as nuk i përkrah. Ka dhunë, ka abuzime në familje dhe jashtë familjes në çdo sferë të shoqërisë”, tha Hoxha.
Vrasja e fundit në Kosovë ka ndodhur më 30 nëntor, kur një grua shtatzënë është qëlluar për vdekje në oborrin e Qendrës Klinike Universitare të Kosovës, në Prishtinë. I dyshuar kryesor për vrasjen është bashkëshorti i saj, i cili më pas vrau veten.
.
Ndonëse protesta u mbajt në kuadër të fushatës “16 ditë të aktivizmit kundër dhunës me bazë gjinore”, asnjë nga përfaqësuesit e institucioneve të Kosovës nuk ishin pjesë e saj.
